مشوار طويل

بسم الله الرحمن الرحيم

في الاول احب اعرف نفسي .... انا واحد من الناس .... زي اى حد .... نفسي اعيش حياة سعيده وفي الاخر اخش الجنه

لا ليا علاقه بدول ولا دول ..... وطبعا كلنا عارفين هما مين

بس كل ما في الموضوع ان بجد بدأت اشوف ان في ثقافات كتير بأت بتأثر علينا كلنا ومعتقدات وافكار وحاجات كتير هناقشها قدام

طبعا في ناس ممكن تقول انت عامل المدونه دي ايه هتكسب من وراها ايه يعني

هو انا هكسب على فكره مش مش هكسب بس مكسب مختلف شوية هتقولوا ازاى ...... اقولكم

حد منكم عرف تاجر شاطر قبل كده

انا بحب مبدأ التاجر الشاطر ...... لانه بيحاول يكسب من اللى قدامه اى حاجه وده اتعلمته نوعا ما في البزنيس

كلامى جايز معقد شوية بس خلونا واحده واحده مع بعض

من صغري وانا ديما بسمع كل اللى حوليا بيقولولى ربنا خلقنا علشان حاجه معينه ... بمعني اصح كل واحد له رساله في الحياة لما هيوصلها هتبقا مهمته انتهت في الدنيا

متفهمونيش غلط انا مش جاى اقولكم عاوزكم تتدينو وتصلو وتصومو ا لا انا زىى زيكم شاب عندى21 سنه ديما كنت بسأل هو انا هنا ليه .... ايه مهمتى ..... عاوز ايه بالظبط

ولما نوعا ما عرفت قولت امشي بمبدأ التاجر الشاطر وهو انى هبيعلكم اللى عرفته وفي المقابل هاخد فلوس .... بس مش فلوس الدنيا .... فلوس الاخره ..... حسنات يعني وكلامى ده من حديث الرسول عليه الصلاة والسلام الدال على الخير كفاعله والدال على الشر كفاعله ....اوكما قال

انا ياما دليت ناس كتير على حجات وحشه وكان في اعتقادى انى بكده هكون سعيد وهخليهم سعدا بس للاسف كنت بكتشف انه مش صح اللى كنت بعمله

المهم

انا اسمي محمد طالب بكلية سياحه وفنادق عندى 21 سنه .... طول عمرى بدور على السعاده وانى اكزن ليا دور في سلسلة الحياة اللى البشر بيعيشوها اتربيت تلات تربيات مختلفه

الاولى كانت على ايد اهلى والدتى الطيبه ...... كانت بتربيني على قيم واخلاق الدين الاسلامى

والتانيه كانت على ايد فرع تانى من عيلتى روحت وعيشت معاهم فترة علمونى ازاى اكون راقى وزوق

والتالته واللى فيها توهت كانت على ايد الشارع لما نزلت واشتغلت واتعاملت مع ادنى فئات وادنى اساليب ممكن تتخيلوها في حياتكم

مش بقولكم مشوار طويل

خليكم معايا وهنفصص الكلام ده نقطه نقطه وهقولكم انا عاوز ايه بالظبط منكم وايه حوار التاجر الشاطر وايه الحكايه كلها

بس انا عاوز منكم حاجه عاوز كل واحد يعرف انه لو بيدور ازاى يعيش حياة سعيده وصح ومش غلط وفي نفس الوقت روشه ومعاصره للظروف اللى بنمر بيها .... اللى عاوز يعرف هي ايه الحياة بجد ...... يخليه معايا وان شاء الله نتغير مع بعض